Taldyqorǵanda qutqarýshylar órt shyqqan turǵyn úıden 10 adamdy evakýatsııalady
«18 qańtar kúni saǵat 11:33-te Taldyqorǵan qalasy Krasın kóshesinde 5 qabatty kóppáterli turǵyn úıde órt boldy. Qyzyl jalyn18 sharshy metr aýmaqty sharpyǵan. Órt saǵat 11:56-da oqshaýlanyp, saǵat 12:12-de tolyq sóndirildi. Qaza bolǵandar men zardap shekkender joq»,- delingen Jetisý oblystyq Tótenshe jaǵdaılar departamentiniń baspasóz qyzmetiniń habarlamasynda.
Tótenshe jaǵdaılar departamenti qyzmetkerleri 7 adamdy (onyń ishinde 2 bala) evakýatsııalady jáne órt sóndirý avtosatysynyń kómegimen 3 adam (onyń ishinde 1 bala) qutqaryldy. Qutqarylǵandar men evakýatsııalanǵandar medıtsınalyq kómekke muqtaj emes edi.
«Órtti sóndirýge Jetisý oblysy TJD 24 qyzmetkeri men 7 birlik tehnıkasy, sondaı-aq polıtsııa departamenti, jedel medıtsınalyq járdem brıgadalary qatysty. Órttiń shyǵýynyń aldyn ala sebebi - rozetkaǵa qosylǵan elektr uzartqysh symynyń tuıyqtalýy boldy. Jetisý oblysy TJD azamattardy órt qaýipsizdigi erejelerin saqtaýǵa shaqyrady»,- dep tolyqtyrdy atalǵan vedomstvonyń baspasóz qyzmetinen.
Foto: Jetisý oblysy TJD