Taldyqorǵanda kúdikti jigitten iri kólemde sıntetıkalyq esirtki tárkilendi

TALDYQORǴAN. QazAqparat – Taldyqorǵanda kúdikti jigitten iri kólemde sıntetıkalyq esirtki tárkilendi, dep habarlaıdy QazAqparat tilshisi.

Kúdikti Taldyqorǵan qalasyndaǵy shaǵyn aýdandardyń birinde arnaıy is-sharalar barysynda ustaldy. Jeke tintý kezinde 18 jastaǵy jigitten sıntetıkalyq esirtkiniń bir túri «α-pırrolıdınovalerofenonniń» 45 býmasy tabyldy.

«Tárkilengen esirtkiniń jalpy salmaǵy – 21,19 gramm, bul – asa iri mólsher dep esetelinedi. Jalpy, jyl basynan beri zańsyz aınalymnan 2,5 kelige jýyq sıntetıkalyq esirtki tárkilendi», - dedi Jetisý oblysy PD Esirtki qylmysyna qarsy is-qımyl basqarmasynyń bastyǵy Murat Jumabaev.

Іs boıynsha tergeý amaldary QR QK 296-babynyń 4-bóligine sáıkes júrgiziledi.