Taldyqorǵanda qoıylym kezinde qulaǵan akrobattyń jaǵdaıy týraly aıtyldy
TALDYQORǴAN. QazAqparat - Taldyqorǵandyq kórermenderge óner kórsetip jatqan sátinde bıiktikten abaısyzda qulap ketken 28 jastaǵy mamannyń jaǵdaıy jaqsy. Akrobatshy qyzdyń dene múshesine zaqym kelmegen. Búgin ol kórermenderdiń aldyna qaıta óner kórsetýge shyǵady, - dep habarlaıdy QazAqparat tilshisi.
Bul jóninde tsırk ártisi Ivan Şerbakov agenttik tilshine aıtyp berdi.
«Keshegi jaǵdaı rasymen bárimizdi shoshytty. Qoıylym kezinde bıikten qulap ketken qyzdyń esimi Darıa Verskaıa. Ol Omskiniń týmasy. 1990 jylǵy qyz, óte tájirıbeli. Ol trıýktaryn kóbine qorǵaný beldiginsiz jasaıdy. Keshe qulap ketkende ol tehnıkalyq jaǵdaıdyń barlyǵyn bilgendikten, bıiktiktin ózinen durys qulaǵan. Din-aman. Esh jerine zaqym kelmedi. Búgin keshki saǵat 19:00-de kórermenderge qoıylym kórsetýge qaıta shyǵady», - dedi Ivan Şerbakov.
Taldyqorǵanda eki aptadan beri óner kórsetip jatqan Reseıdiń «Shapıto» ártisteri búgingi qoıylymnan keıin birden Omskige jolǵa shyǵatyndaryn aıtty. Ártisterdiń barlyǵy sol óńirden eken. Al aldaǵy ýaqytta Qaraǵandy oblysyna baryp óner kórsetý josparlarynda bar.
Esterińizge sala keteıik, búǵan deıin Taldyqorǵanda tsırkte óner kórsetip jatqan akrobat qyz kórermenniń kóz aldynda bıikten qulap ketkenin habarlaǵan bolatynbyz. Oqıǵa kórermenniń biriniń uıaly telefonyna jazylyp qalǵan.
