Taldyqorǵanda qoıma órtenip, tórt gaz ballony shyǵaryldy
TALDYQORǴAN. QazAqparat - Taldyqorǵanda qoıma órtendi. Órt 500 sharshy metrge jýyq aýmaqty sharpyǵan, - dep habarlaıdy QazAqparat tilshisi.
Qutqarýshylardyń dıspetcherlik pýnktine 24 mamyr kúni tańǵy saǵat 5.40-ta Qurmanov kóshesindegi ǵımarattardyń biri órtenip jatóany aqparat kelip túsken. Oqıǵa ornyna jedel jetken órt sóndirýshiler tilsiz jaýdyń betin qaıtaryp, qyzyl jalynnyń basqa da turǵyn úılerge ótip ketýine jol bermedi. Sondaı-aq qutqarýshylar ǵımarattan tórt gaz ballonyn shyǵaryp, jarylystyń aldyn aldy. Zardap shekkender men qaza bolǵandar joq. Qazirgi tańda órttiń neden shyqqanyn jyljymaly zerthana mamandary anyqtap jatyr.
«Órt taraǵan aýmaq – 495 sharshy metr. Tilsiz jaýmen kúresýge jeke quramnyń 40 qyzmetkeri men 9 birlik tehnıka tartyldy. Sondaı-aq jedel áreket etý qyzmetteriniń mamandary jumyldyryldy. Órttiń basqa ǵımarattar men turǵyn úılerge taralýyna jol bergen joqpyz»,- dedi Almaty oblystyq Tótenshe jaǵdaılar departamentiniń órt sóndirý jáne apattyq qutqarý jumystary qyzmeti bastyǵynyń orynbasary Azamat Erjanuly.
