Taldyqorǵanda kóshi-qon polıtsııasynyń qyzmetkeri sottaldy
TALDYQORǴAN. QazAqparat - Taldyqorǵan qalalyq sotynda Almaty oblystyq ІІD kóshi-qon polıtsııa basqaramasynyń azamattyq jáne kóshi-qon bóliminiń qyzmetkerleriniń isi qaraldy, dep habarlaıdy Qazaqparat tilshisi.
Іsti bolǵandar Ózbekstan azamattaryna Qazaqstan Respýblıkasynyń azamattyǵyn alýǵa kómekteskeni úshin 380 myń teńge para alǵandyǵy anyqtaldy.
Sot úkimimen A esimdi azamat QR QK 366-babynyń 2- bóligi (kóp mólsherde para alý) boıynsha kináli bolyp tabyldy. Oǵan 4 jylǵa bas bostandyǵynan aıyrý, ómir boıy memlekettik qyzmetten shetteý jáne dúnıe-múlkin tárkileý sondaı-aq arnaıy áskerı sheninen aıyrý jazasy qoldanyldy.
Qylmysker jazasyn qylmystyq-atqarý júıesiniń qaýipsizdigi orta deńgeıdegi mekemede óteıtin bolady. Al L. esimdi azamatsha QR QK 368-babynyń 1-bóligimen (para alýda deldaldyq) kináli dep tanyldy. Oǵan memleket paıdasyna 2 mln teńge aıyppul tóleý jáne múlkin tárkileý, ómir boıy memlekettik qyzmette jumystan shetteý jazasy qoldanyldy.
Sot úkimi zańdy kúshine engen joq.
