Taldyqorǵanda qos ǵulamanyń mereıtoıyna arnalǵan tarıhı-tanymdyq joba tanystyryldy
TALDYQORǴAN. QazAqparat - Uly Abaıdyń 175 jyldyǵy jáne Ál-Farabıdiń 1150 jyldyǵyna oraı tarıhı-tanymdyq jobalarynyń tanystyrylymy ótti. Jas sýretshi-dızaıner ǵulamalardyń beınesi men aıtqan sózderi jazylǵan grafıkalyq sýretter usynyp otyr, dep habarlaıdy QazAqparat tilshisi.
«Jetisy ART» jobasy aıasynda tarıhı tulǵalar mýltıplıkatsııalyq keskin retinde beınelenip, olardyń aforızmderi men naqyl sózderi jazylyp, áleýmettik jelilerde taratylady. Joba avtory Erkeǵalı Imanǵalıdyń aıtýynsha, mundaı ádis kishkentaı balalar men jastardyń jyldam qabyldap, qos ustazdyń shyǵarmashylyǵyn keńinen nasıhattaýǵa múmkindik beredi. Qazirgi tańda Abaı men Ál-Farabı beınesiniń 20 túrli nusqasy ázirlendi. Bul sýretter kóshedegi jarnamalyq bıllbordtarǵa, ǵalamtor men áleýmettik jelilerde keńinen jarııalanyp, úlken aýdıtorııany qamtýdy kózdeıdi. Joba avtorlary bıylǵy jyly basqa mereıtoılarǵa arnalǵan grafıkalyq sýretter ázirlemek. Máselen Jeńistiń 75 jyldyǵy jáne Altyn Ordanyń 750 jyldyǵy syndy tarıhı datalardy dál osyndaı ádispen nasıhattaý josparlanýda.
