Taldyqorǵanda koronavırýsty eki aptada 75 adam juqtyrdy
TALDYQORǴAN. QazAqparat – Almaty oblysynda COVID-19 juqtyrǵan taǵy 23 adam tirkeldi. Onyń 10-y Taldyqorǵan qalasynda anyqtaldy, dep habarlaıdy QazAqparat tilshisi.
Sondaı-aq Qapshaǵaı qalasynda – 8, Qarasaı, Panfılov, Alakól aýdandarynda – bir-bir jaǵdaıdan jáne Tekeli qalasynda 2 naýqas tirkeldi.
14 adam – koronavırýs dıagnozy qoıylǵan naýqastarmen baılanysta bolǵandar, 9-ynyń indeti profılaktıkalyq tekserý barysynda anyqtaldy.
Barlyǵy buǵan deıin oqshaýlandyrylǵan. Qazirgi ýaqytta juqpaly aýrýlar bólimine aýystyryldy.
Epıdemıologııalyq tekserýler jalǵasýda.
30 mamyrdaǵy jaǵdaı boıynsha jalpy Almaty oblysynda ınfektsııa juqtyrǵan 349 adam tirkelgen. Onyń 180-i indetten jazylyp shyqty.
Esterińizge sala keteıik, Almaty oblysynda koronavırýske shaldyqqan alǵashqy naýqas 21 naýryzda anyqtaldy. Ol kezde Mekkeden ushyp kelgen Qarasaı aýdanynyń 1986 jylǵy turǵyny densaýlyǵyna shaǵymdanyp, dárigerlerge habar bergen edi. Alynǵan synama koronavırýske oń nátıje kórsetken.
Al Taldyqorǵanda indet 14 mamyrda tirkeldi. Elimizde tótenshe jaǵdaı jarııalanǵan sátte vırýstan aman bolǵan oblys ortalyǵynda qazir karantın jalǵasyp, sanıtarlyq beketter jumystaryn jalǵastyrýda.
