Taldyqorǵanda koronavırýspen syrqattanýshylar sany tómendeýde
Pandemııa bastalǵannan beri qalada koronavırýs ınfektsııasynyń 15 835 jaǵdaıy tirkeldi. Qazirgi ýaqytta epıdemıologııalyq ahýaldy baǵalaý matrıtsasynda Almaty oblysy «jasyl» aımaqta ornalasqan. Syrqattanýshylyq kórsetkishi 100 myń turǵynǵa shaqqanda – 8 164,1 qurady.
Sońǵy eki aptanyń statıstıkasyn qarasaq, COVID-19 ósý qarqyny 0,09%-dan 0,15%-ǵa deıin tómendedi. Sońǵy táýlikte óńirde 3 jaǵdaı tirkeldi.
Búgingi kúni qalada koronavırýsqa qarsy profılaktıkalyq egý boıynsha jumystar jalǵasýda.
«Eresek turǵyndardyń arasynda birinshi komponentpen– 70 246 (68,5%), ekinshi komponentpen – 67 303 (65,6%) adam egildi.
Júkti áıelderdi, bala emizetin analardy jáne jasóspirimderdi vaktsınalaý boıynsha birinshi komponentpen – 5151 (26,4%), ekinshi komponentpen – 4069 (20,9%) adam ekpe aldy.
Revaktsınatsııamen 22 754 (73%) adam qamtyldy»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
