Taldyqorǵanda koronavırýs juqtyrǵan sońǵy naýqas aýrýhanadan jazylyp shyqty

TALDYQORǴAN. QazAqparat - Taldyqorǵandaǵy modýldik ınfektsııalyq aýrýhanadan koronavırýs juqtyrǵan sońǵy naýqas emdelip shyqty, dep habarlaıdy QazAqparat tilshisi.

Ókpesiniń 50 paıyzy qabynǵan Sholpan Óskenbaeva jansaqtaý bóliminde 5 kún jatyp, dárigerlerdiń arqasynda aman qaldy. Pandemııa kezinde jedel turǵyzylǵan emdeý mekemesi 4 myńnan astam syrqat adam qabyldap, emdep shyǵardy. Olardyń tórtten bir bóligi asa aýyr jaǵdaıda túsken. Budan bylaı aýrýhana ózge de ınfektsııalyq aýrýlardy emdep, bir bóligine balalalar bólimi ashylatyn bolady. Sebebi qaladaǵy oblystyq balalar ınfektsııalyq aýrýhanasynyń ǵımaraty tarlyq etip kelgen.

«Dárigerlerge alǵysym sheksiz. Aýrýhanada 16 kún jattym. Myqty dárigerlerdiń arqasynda emdelip shyqtym»,- dedi Taldyqorǵan qalasynyń turǵyny Sholpan Óskenbaeva.

«Osy ınfektsııalyq aýrýhana ary qaraı jumysyn jalǵastyrady. Bul jumys bizdiń aldaǵy ýaqytta jalpy ınfektsııalyq aýrýlarǵa tolyǵymen daıyndyq ústinde»,- dedi Taldyqorǵandaǵy modýldik ınfektsııalyq aýrýhananyń reanımatsııa bóliminiń meńgerýshisi Qýat Ábitaev.

Esterińizge sala ketsek, 2020 jyly Taldyqorǵan qalasynda 55 kúnde salynǵan 200 oryndyq zamanaýı modýldi ınfektsııalyq aýrýhana qoldanysqa berilgen bolatyn.