Taldyqorǵanda koronavırýs juqtyrǵan polıtseıdiń 85 áriptesi úı karantınine jatqyzyldy
TALDYQORǴAN. QazAqparat - Taldyqorǵan qalasynda koronavırýs juqtyrǵan polıtseımen qarym-qatynasta bolǵan 150-den astam adam anyqtaldy. Olardyń 85-i tártip saqshylary, dep habarlaıdy QazAqparat tilshisi.
Batalon komandıriniń qazirgi jaǵdaıy turaqty. Bul týraly baspasóz máslıhatynda oblystyń bas sanıtarlyq dárigeri Qaırat Baımuhanbetov málimdedi. Qazirgi tańda naýqas Eńbekshiqazaq aýdanyndaǵy juqpaly aýrýlar aýrýhanasyna jatqyzyldy.
«Ol jedel resperatorlyq ınfektsııa dıagnozymen dárigerler kómegine ózi júgingen. Tártip saqshysymen óte jaqyn qarym qatynasta bolǵan otbasy men ata-analary barlyǵy 11 adam statsıonarlyq karantınge oqshaýlandy. 85 áriptesi úı karantınine jatqyzyldy. Barlyǵynan synama alyndy, nátıjeleri biraz ýaqytta daıyn bolady», - dedi Qaırat Baımuhanbetov. Sondaı-aq oblystyń bas sanıtarlyq dárigeri bir adamǵa bola Taldyqorǵan qalasyn qaıta karantınge jabylmaıtynyn atap ótti.
Eger shaharda epıdemıologııalyq ahýal kúrdelense oblys ortalyǵynda karantındik sharalar belgilengen algorıtmge sáıkes kúsheıtiledi.
