Taldyqorǵanda koronavırýs ınfektsııasymen adam aýrýhanaǵa jatqyzyldy degen aqparat jalǵan

Infektsııalyq aýrýhanada oqý-jattyǵýlar ótip jatqan, dep habarlaıdy QazAqparat tilshisi.

Taldyqorǵanda ınfektsııalyq aýrýhanasy mańynda arnaıy qorǵanys kostıýmin kıgen mamandardyń sýreti áleýmettik jelige tarap ketti.

Sýretti taratqandar koronavırýs juqtyrǵan adam aýrýhanaǵa jatqyzyldy, dep pikir bildirgen.

Almaty oblysy ákiminiń baspasóz hatshysy Ǵalymurat Júkel bul aqparat jalǵan ekenin aıtyp, aýrýhanada koronavırýs ınfektsııasyna qarsy oqý-jattyǵýlary ótkenin tilge jetkizdi.