Taldyqorǵanda kópqabatty úıdiń páterinen gaz shyǵyp, bir adam qutqaryldy
«16 shilde kúni saǵat 08:56-da oblystyq Tótenshe jaǵdaılar departamentine Taldyqorǵan qalasy Kóktem shaǵyn aýdanyndaǵy kóppáterli turǵyn úıde gazdyń ıisi shyǵyp jatqandyǵy jóninde habarlama tústi. Shaqyrtý ornyna TJD, gaz qyzmeti, jedel medıtsınalyq kómek jáne polıtsııa bólimsheleri jiberildi. Shaqyrtý ornyna kelgen TJD qyzmetkerleri kóp páterli turǵyn úıdi aralaý barysynda gazdyń ıisi altynshy qabattaǵy páterden shyǵyp turǵany anyqtaldy. Biraq páterdiń esigin eshkim ashpady. Gazdyń taralýyn toqtatý maqsatynda TJD qyzmetkerleri páterge balkon arqyly kirý týraly sheshim qabyldady. Páter ishindegi tósekte 1985 jyly týǵan er adam jatqan. Ol qutqarylyp, tabıǵı gazben ýlaný belgileri bar ekeni baıqalǵan soń jedel medıtsınalyq járdem qyzmetkerlerine tapsyryldy. Ári qaraı Taldyqorǵan qalasynyń medıtsınalyq mekemesine jatqyzyldy», - delingen oblystyq Tótenshe jaǵdaılar departamentiniń baspasóz qyzmeti taratqan habarlamada.
Vedomstvonyń aqparatyna sáıkes, páter ishin tekserý kezinde tabıǵı gaz shúmegi sál ashylyp turǵany anyqtalǵan.
