Taldyqorǵanda qonaq úı ákimshiligi jezókshelikke jaǵdaı jasady degen kúdikke ilindi
TALDYQORǴAN.QazAqparat - Taldyqorǵanda tártip saqshylar jergilikti qonaq úılerdiń birinde jezókshelikpen aınalysqan jáne olarǵa jaǵdaı jasaǵan topty anyqtady, dep habarlaıdy QazAqparat tilshisi.
Atalǵan qonaq úıde aqshalaı pul úshin qonaqtarǵa «erekshe» qyzmet kórsetetin 20-38 jas aralyǵyndaǵy on azamatsha ustaldy. Intımdik qyzmet usynǵan azamatshalar jezókshelikpen aınalysty degen kúdikpen polıtsııaǵa jetkizilip, profılaktıkalyq esepke alyndy.
«Qonaq úıdiń tórt ákimshi qyzmetkeri jezóksheler ordasyn ustady jáne jeńgetaılyqpen aınalysty degen kúdikpen qylmystyq jaýapkershilikke tartylatyn bolady. Kúdiktilerdiń biri qamaqqa alyndy, al basqalary «mekenjaıyn ózgertpeý týraly» mindettememen jiberildi. Bul derek boıynsha Qazaqstan Respýblıkasy Qylmystyq kodeksiniń 309-babyna sáıkes sotqa deıingi tergeý júrgizilýde», - dep málimdedi Almaty oblysy Polıtsııa departamentiniń baspasóz qyzmetinen.
Zań talaptaryn óreskel buzǵan qonaq úıdiń qyzmeti ýaqytsha toqtatyldy. Qazirgi ýaqytta qonaq úıdiń ıesin de jaýapkershilikke tartý máselesi qarastyrylýda.
