Taldyqorǵanda kólik otqa oranyp, túgeldeı janyp ketti
TALDYQORǴAN.QazAqparat - Taldyqorǵanda «Gazel» markaly kóligi otqa orandy. Oqıǵa kúndizgi saǵat 12-ler shamasynda bolǵan, dep habarlaıdy QazAqparat tilshisi.
Almaty oblystyq TJD baspasóz qyzmetiniń málimetinshe, Abaı kóshesiniń boıynda kóliktiń órtenip jatqandyǵy jóninde 12:17 habar kelip túsken. Órt sóndirýshiler 12:21- de oqıǵa ornyna jetip, 12:28 de tilsiz jaýdy tolyqtaı aýyzdyqtaǵan. Boljam boıynsha, qyzyl jalyn kóliktiń qozǵaltqyshynan shyqqan. Abyroı bolǵanda, zardap shekkender joq.
Jalpy jyl basynan beri Almaty oblysynda 118 kólik otqa oranǵan. Barlyǵy 8 mln 215 myń teńgege shyǵyn keltirilgen deıdi TJD ókilderi.
