Taldyqorǵanda kólik qaqqan oqýshy es-tússiz jatyr
TALDYQORǴAN.QazAqparat - Taldyqorǵanda kólik qaqqan oqýshy es-tússiz jatyr. Dárigerler 2007 jylǵy balanyń jaǵdaıy aýyr ekenin málimdedi, dep habarlaıdy QazAqparat tilshisi.
«Jastar parki janynda kólik qaǵyp ketken Aıǵanym Seıitqazynyń jaǵdaıy aýyr. Bala bas mı jaraqatyn alǵan. Moıyn omyrtqasy jabyq túrde synǵan. Naýqas jansaqtaý bóliminde es-tússiz jatyr», dep málim etti Almaty oblystyq densaýlyq saqtaý basqarmasynyń baspasóz qyzmeti.
Esterińizge sala keteıik, búgin tańerteńgi 9:00-der shamasynda 11 jastaǵy mektep oqýshysyn kólik qaǵyp ketkenin habarlaǵan bolatynbyz.
Oblystyq ІІD baspasóz qyzmetiniń málimetinshe, oqıǵada úsh kólik soqtyǵysqan. Qazir atalǵan fakti boıynsha QR QK 345 baby boıynsha sotaldy tergeý júrip jatyr.
Eske sala keteıik, búgin tańerteń Taldyqorǵanda polıtsııa kólik qaǵyp ketken qyz balanyń ata-anasyn izdestirgen bolatyn. Balanyń aty-jóni beımálim edi. Keıinnen zardap shekken jetkinshektiń anasy tabyldy.
