Taldyqorǵanda kólik qaqqan balanyń aty-jóni belgisiz - ІІD
TALDYQORǴAN.QazAqparat - Almaty oblystyq ІІD baspasóz qyzmetiniń ókili Kóbeıhan Nurahmetov kólik qaqqan qyz balanyń aty-jóni anyqtalmaǵanyn jetkizdi. Al polıtseıderdiń boljamynsha, zardap shekken qyz shamamen 10-12 jasta, dep habarlaıdy QazAqparat tilshisi.
«Búgin tańerteń bolǵan jol-kólik oqıǵasy barysynda úsh avtokólik ıaǵnı, «Toıota Kamrı», «Toıota Karına» jáne «Nıssan» markaly mashınalary soqtyǵysqan. Osy kóliktiń bireýi bastapqyda qyz balany qaǵyp ketpes úshin, kelesi mashınaǵa soǵylǵan. Biraq balany báribir qaǵyp ketken. Qazir jasy shamamen 10-12 jastaǵy qyz oblystyq balalar aýrýhanasynda jatyr. Aty-jóni belgisiz. Tártip saqshylary anyqtaý jumystaryn júrgizip jatyr», - dedi K. Nurahmetov.
Sondaı-aq vedomstvanyń málimetinshe, osy oqıǵaǵa baılanysty sotaldy tergeý bastaldy.
Esterińizge sala keteıik, biz buǵan deıin Taldyqorǵanda kólik qaǵyp ketken blanyń ata-anasy izdestirilip jatqanyn habaralaǵan bolatynbyz. Balanyń sporttyq kıimi men sómkesi áleýmettik jelige jarııalanǵan.
Áleýmettik jelige jarııalanǵan sýretterge qaraǵanda, balany jaıaý júrginshiler jolynda qaǵyp ketken.
