Taldyqorǵanda kólik qaǵyp ketken oqýshynyń ata-anasy izdestirilýde
TALDYQORǴAN. QazAqparat - Taldyqorǵanda búgin tańerteń mektep oqýshysyn kólik qaǵyp ketti. Qazir áleýmettik jeli arqyly balanyń kıimderi jarııalanyp, ata-anasy izdestirilýde, dep habarlaıdy QazAqparat tilshisi.
«Búgin tańerteń Jalaıyr dańǵylynda zardap shekken balanyń ata-anasyn izdestirip jatyrmyz. Bala tiri, qazir jansaqtaý bóliminde jatyr», delingen áleýmettik jelide jarııalanǵan habarlamada.
Sondaı-aq jazbada telefon nómiri kórsetilgen. Al agenttik tilshisi bul nómirge habarlasty. Tutqany áıel adam kóterdi.
«Men bul balanyń týysy emespin. Qazir ata-anasyn izdestirip jatyrmyz. Óıtkeni bolǵan jaǵdaı týraly, balanyń jaqyndary áli habarsyz», dedi ol.
Al ІІD baspasóz qyzmetiniń ókilderi ázirge bul jaıt týraly pikir bildirmedi, biraq oqıǵanyn mán-jaıyn anyqtaǵannan keıin habar beretinderin jetkizdi.
