Taldyqorǵanda kólik qaǵyp ketken oqýshynyń anasy tabyldy
TALDYQORǴAN.QazAqparat - Taldyqorǵanda kólik qaǵyp ketken oqýshynyń anasy tabyldy. Zardap shekken bala 2007 jyly týǵan Aıǵanym Seıitqyzy ekeni anyqtaldy, dep habarlaıdy QazAqparat tilshisi.
«Bizge jańa ǵana habarlama kelip tústi. Balanyń anasy tabyldy. Qazir ol aýrýhanada qyzynyń janynda. Búgin tańerteńgi saǵat 9:00-der shamasynda bolǵan osy oqıǵaǵa baılanysty QR QK 345 baby boıynsha is qozǵalyp, sotaldy tergeý júrip jatyr», - dedi ІІD baspasóz qyzmetiniń ókili Kóbeıhan Nurahmetov.
Aıta ketý kerek, atalǵan jol-kólik oqıǵasynda úsh avtokólik soqtyǵysty.
Eske sala keteıik, búgin tańerteń Taldyqorǵanda polıtsııa kólik qaǵyp ketken qyz balanyń ata-anasyn izdestirgen bolatyn. Balanyń aty-jóni beımálim edi. Sondaı-aq balanyń mektep sómkesi men kıimderi áleýmettik jelige jarııalandy.
