Taldyqorǵanda kólik apatynan 4 adam mert boldy

TALDYQORǴAN. QazAqparat - Taldyqorǵanda kólik apatynan 4 adam mert boldy. Onyń ekeýi kámelettik jasqa tolmaǵan bala, - dep habarlaıdy QazAqparat tilshisi.

«Tallyqorǵanda «Sýbarý Impreza» avtokóligi 18-aqpan kúni tańǵy saǵat 05:45 shamasynda kólik apatyna ushyrady. Jansúgirov kóshesimen kele jatqan kólik júrgizýshisi qalanyń shetinde rólge ıe bola almaı, kólik aýdarylǵan. Saldarynan mashına órtendi. Oqıǵa ornynda eki adam mert boldy»,- delingen Almaty oblystyq Polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, taǵy eki kámelettik jasqa tolmaǵan balany qalalyq aýrýhanaǵa jetkizgen. Biraq olar jansaqtaý bóliminde qaıtys bolǵan. Qazir atalǵan fakti boıynsha QR QK 345-baby 4-tarmaǵyna sáıkes tergeý júrip jatyr.