Taldyqorǵanda kólik apatyna túsken oqýshylardyń jaǵdaıy belgili boldy
TALDYQORǴAN.QazAqparat - Taldyqorǵanda kólik apatyna túsken oqýshylardyń jaǵdaıy ortasha aýyr, - dep habarlaıdy QazAqparat tilshisi.
Oqýshylardyń biriniń jaq súıegi synǵan.
«Aýrýhanaǵa túsken bes oqýshy jabyq bas mı jaraqatyn alǵan. Mıy shaıqalǵan. Túrli dene soqqysy bar. Oqýshynyń biri ishinen jaraqat alsa, endi biriniń jaq súıegi synǵan. Barlyq bes naýqastyń jaǵdaıy ortasha aýyr», - dedi Almaty oblystyq Densaýlyq saqtaý basqarmasyndaǵy baspasóz qyzmetiniń ókili Láılim Áýbákirova.
Sonymen qatar, osy kólik apatynda oqýshylardan bólek taǵy úsh adam zardap shekken bolatyn.
«Taldyqorǵan qalasyndaǵy kópsalaly aýrýhanaǵa jaraqat alǵan 1964, 1997 jáne 1995 jylǵy naýqastar kelip tústi. 1995 jylǵy adam denesinen túrli dárejedegi soqqy alǵan. 1964 jylǵy adamnyń ıyǵy synǵan. 1997 jylǵy naýqastyń murny synǵan. Jaǵdaılary qanaǵattanarlyq»,- dep tolyqtyrdy Láılim Áýbákirova.
Esterińizge sala keteıik, Taldyqorǵanda oqýshylardy tasymaldaǵan avtobýs kólik apatyna túsip, bes bala zardap shekkenin habarlaǵan bolatynbyz . Olardyń barlyǵy 8 ben 16 jastaǵy balalar.
