Taldyqorǵanda kóligin durys qoımaǵan júrgizýshilerge 91 mln teńgeden asa aıyppul salyndy

TALDYQORǴAN. QazAqparat – Taldyqorǵanda 6 myńǵa jýyq júrgizýshi kóligin durys qoımaǵany úshin aıyppul arqalady, dep habarlaıdy QazAqparat tilshisi.

Taldyqorǵan polıtsııasynyń qyzmetkerleri avtokólikterdi turaqqa qoıý erejelerin buzatyndardy anyqtaý boıynsha is-qımyldy jandandyrdy.

«Kólik quraldaryn jol boıynda qaldyratyn jáne toqtaý men turaqtaýǵa tyıym salynǵan basqa da jerlerge qoıatyn júrgizýshiler jol qozǵalysyn edáýir qıyndatady. Bul másele áleýmettik jelilerde de qaıta-qaıta kóterilip júr. Qala turǵyndary bul máseleni túbegeıli sheshýdi talap etedi. Bul júrgizýshilerdiń kópshiligi bizdiń qalamyzda turady», - dedi patrýldik polıtsııa rotasynyń komandıri Rýslan Prımjanov.

Jyl basynan beri kólikterin durys qoımaǵany úshin 5 961 júrgizýshi ákimshilik jaýapkershilikke tartyldy. Olarǵa jalpy somasy 91 mln teńgeden astam aıyppul salyndy.