Taldyqorǵanda kóligimen birge ózenge aǵyp ketken júrgizýshi qutqaryldy
TALDYQORǴAN. QazAqparat - Taldyqorǵanda avtokóligimen birge aǵyp ketken júrgizýshi qutqaryldy, dep habarlaıdy QazAqparat tilshisi.
«22 naýryz kúni keshke Taldyqorǵan qalasyna qarasty Qyzyltas saıajaıy mańynda jeńil avtokóliktiń júrgizýshisi kólikti basqara almaı, Qaratal ózenine túsip ketken. Onyń avtokóligi ózenniń aǵysymen tómen quldılaǵan. Kólikte júrgizýshi jalǵyz bolǵan»,- dep málimdedi Almaty oblystyq TJD Baspasóz qyzmetinen.
Kólikten shyǵyp, biraq jaǵaǵa jetpesten sýǵa bata bastaǵan júrgizýshige saıajaıdyń 1995 jylǵy turǵyny kómekke umtylǵan.
Oqıǵa kýágeri Erjan Baıahmetovtyń aıtýynsha, ol júrgizýshini es-tússiz kúıde sýdan shyǵarǵan. Alǵashqy medıtsınalyq kómek kórsetip, jedel járdem shaqyrǵan.
«Adam ómirin qutqarǵany úshin Erjan Baıahmetov marapatqa usynylady»,- dep tolyqtyrdy atalǵan vedomstvonyń baspasóz qyzmeti.
