Taldyqorǵanda qoǵamdyq kólik otqa orandy
TALDYQORǴAN. QazAqparat- Taldyqorǵanda kósheniń qaq ortasynda qoǵamdyq kólik otqa orandy. Avtobýs tolyqtaı janyp ketti. Abyroı bolǵanda zardap shekkender joq, - dep habarlaıdy QazAqparat tilshisi.
«228-shi baǵyttaǵy avtobýs Nazarbaev dańǵylynyń boıynda otqa orandy. Aldyn ala boljam boıynsha, órt symdardyń qysqa tuıyqtalýynan bolǵan. Kólik janyp ketti. Zardap shekkender joq», - dedi Taldyqorǵan qalalyq kólik jáne avtomobıl joldary bóliminiń basshysy Nurbaqyt Altynbekov.
Bólim basshynyń aıtýynsha, avtobýs «Transtall» jaýapkershiligi shekteýli seriktestikke tıesili. Qazirgi ýaqytta qyzyl jalynǵa oranǵan kólik atalǵan seriktestiktiń aımaǵyna jetkizilgen. Órtti tótenshe jaǵdaılar qyzmetiniń mamandary sóndirgen.
