Taldyqorǵanda əkki ury ustaldy
TALDYQORǴAN. QazAqparat - 50 jastaǵy er adam Almaty oblysy ortalyǵynda tirkelgen birneshe páter urlyǵyna qatysy bolýy múmkin.
Ustalǵan azamat - Taldyqorǵan qalasynyń turǵyny. Buǵan deıin birneshe ret túrli qylmys jasaǵany úshin sottalǵan, dep habarlaıdy QazAqparat tilshisi.
«50 jastaǵy er adam bıyl qańtar aıynda qalada tirkelgen 8 bótenniń múlkin urlaý faktisine qatysy bar ekeni dáleldendi. Kúdikti páterge nemese jeke úı-jaıǵa zańsyz kirip ton, teriden jasalǵan bas kıimderdi, zergerlik buıymdardy, uıaly telefon, ıaǵnı barlyq baǵaly degen zattardy urlaǵan. Olardyń jartysyn tómen baǵada ótkizip nemese laqtyryp otyrǵan. Qazirgi ýaqytta japa shekken tulǵalarǵa keltirilgen shyǵyn kólemi 1,5 mln teńgeni quraıdy. Uıaly telefon jáne jekeleı altyn buıymdardyń jartysy tárkilenip, qylmystyq istiń materıalyna zattaı aıǵaq retinde tigilgen», - dep Taldyqorǵan QІІB Batys qalalyq polıtsııa bóliminiń bastyǵy Baýyrjan Tilepbaev.
Kúdiktiniń bergen túsinikteri boıynsha ol 2015 jyly bas bostandyǵynan aıyrý ornynan bosap shyǵyp, tynysh ómir súrýge tyrysqan. Biraq sońǵy ýaqyttaǵy esirtkige táýeldiligi ony urlyq jasaýǵa ıtermelepti.
