Taldyqorǵanda kishkentaı bala modýldik dárethananyń ishinde qamalyp qalǵan

TALDYQORǴAN. QazAqparat – Taldyqorǵan qalasynda modýldik dárethananyń ishinde qalyp qoıǵan balany adamdar dárethananyń terezesinen tartyp syrtqa shyǵardy, dep habarlaıdy QazAqparat tilshisi.

Taldyqorǵan qalasyndaǵy modýldik dárethananyń terezesinen balany syrtqa shyǵaryp jatqan adamdardyń vıdeosy jelide jarııalandy.

Osy oqıǵaǵa oraı Jetisý oblysynyń ákimdigi jaýap berdi.

«Samal» aıaldamasyndaǵy modýldik dárethana shtattyq rejımde jumys isteıdi. Dárethanalar tek sanıtarlyq óńdeý men tazalaý kezinde jabylady. Atalmysh jaǵdaı balanyń bir nárseden qorqyp, dárethananyń esigin óz betinshe asha almaı qalýynan boldy. Qyzmet kórsetetin «Dızaın stýdııa Tseh» JShS qyzmetkerleri esik qulpynyń mehanızmin tekserip, onda aqaý joq ekenine kóz jetkizdi», - delinedi ákimdiktiń bergen jaýabynda.