Taldyqorǵanda kelisimshart boıynsha áskerı qyzmetshiler attestattaýdan ótti (FOTO)

ASTANA. QazAqparat - Almaty oblysynyń qorǵanys isteri jónindegi departamentinde qorǵanys isteri jónindegi departamenti, basqarmasy jáne bólimderiniń kelisimshart boıynsha áskerı qyzmetshileriniń josparly attestattalýy ótti.

QR Qorǵanys mınıstrligi baspasóz qyzmetiniń habarlaýynsha, 18404 áskerı bóliminiń bazasynda áskerı qyzmetshiler oq atý mashyǵy boıynsha jattyqty. 100 metr qashyqtyqta AK-74 avtomatynan nysanaǵa oq atýdan sheberlikterin synady. 
Jeke quramnyń josparly atystarynyń negizgi mindetteri - jaýyngerlik daǵdyny jetildirý jáne teorııa júzinde alǵan bilimderin praktıkada qoldaný boldy.  Áskerı qyzmetshiler barlyq is-qımyldardy pysyqtap, jaqsy nátıjeler kórsetti. Áıel áskerı qyzmetshiler de alǵashqy dalalyq oq atýlardan ótkenin aıta ketken jón.  Olar úshin bul tyń tájirıbe jáne naǵyz áskerı qyzmettiń qyr-syryn meńgerýdiń alǵashqy múmkindigi.
Olar Kalashnıkov avtomatyn jınaý, bólshekteý jáne tazalaýdy ózdiginen oryndaýda, oq atýda praktıkalyq tájirıbe jınaqtady. Olardyń barlyǵy praktıkalyq tapsyrmany oıdaǵydaı oryndap shyqty. Attestattaý úsh jylda bir ret áskerı qyzmetshilerdiń qyzmetine, olardyń kásibı jáne iskerlik qasıetterine jan-jaqty jáne dáıekti baǵa berý maqsatynda ótkiziledi.  Oq atý kezinde jergilikti áskerı basqarý organdarynyń jeke quramy joǵary sheberlikteri men kásibı daǵdylaryn kórsetti.