Taldyqorǵanda qatty jelden úılerdiń shatyry ushyp, kólikter zaqymdandy
TALDYQORǴAN. QazAqparat - Taldyqorǵanda qatty jelden úılerdiń shatyrlary ushyp, kólikter zaqymdandy, dep habarlaıdy QazAqparat tilshisi.
«Qaratal jáne 9-shaǵynaýdandarynda kópqabatty úıdiń, klýbtyń shatyrlary ushty degen aqparat kezekshi bólimge kelip tústi. Qazir oqıǵa ornyna mamandar ketti. Aqparat rastalǵannan keıin oqıǵa tirkeletin bolady», - dedi oblystyq TJD baspasóz qyzmetinen.
Al qazir áleýmettik jelide qatty jelden keıingi kórinister jarııalanyp jatyr. Sýret pen beınejazbalarda qaladaǵy aǵashtardyń synǵanyn, shatyrlardyń ushqanyn anyq kórýge bolady. Sondaı-aq «Toyota» markaly kóliktiń ústine shatyr jabyndysy qulap, kólik qatty zaqymdalǵan.
Aıta keteıik, 21 mamyr kúni oblystyq TJD-i turǵyndarǵa sms habarlama taratyp, qatty jel soǵatyndyǵy jóninde eskertken bolatyn.
«22 mamyrda Almaty oblysynyń keı jerlerde qatty jańbyr jaýyp, kún kúrkireıdi, burshaq jaýýy múmkin dep eskertedi. Jel ońtústik-batystan aýysa otyryp, soltústik-batysqa qaraı soǵady. Keı jerlerde 15-20 m/s, ekpini 25 m/s. Taldyqorǵan qalasynda kúndiz jańbyr jaýyp, kún kúrkireıdi. Jel ońtústik-batystan aýysa otyryp, soltústik-batysqa qaraı soǵady, tańerteń jáne kúndiz ekpini 18 m/s» delingen vedomstvonyń taratqan habarlamasynda.
