Taldyqorǵanda qas-qaǵym sátte ámııandy urlaǵan áıel ustaldy
TALDYQORǴAN. QazAqparat - Taldyqorǵanda qas-qaǵym sátte ámııandy urlaǵan áıel ustaldy. Ol 25 jastaǵy Kóksý aýdany Balpyq bı aýylynyń turǵyny bolyp shyqty. Qazirgi tańda kúdikti istegen qylmysyn tolyqtaı moıyndap otyr. Endi atalǵan is sotqa joldanady, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, 25 jastaǵy kúdikti buǵan deıin de birneshe márte urlyq jasap, jaýapkershilikke tartylǵan. Bıyldyń ózinde úsh ret ustalyp, onyń 8 urlyqqa qatysy bar ekeni dáleldengen. Al jábirlenýshilerge keltirilgen shyǵyn kólemi 800 myń teńgege jýyqtaǵan.
Esterińizge sala keteıik, 19 qyrkúıek kúni kózine kózildirik kıgen áıeldiń ámııan urlaǵan áreketi beınejazbaǵa jazylyp qalǵan bolatyn. Jábirlenýshi beınejazbany polıtseılerge usynyp, shaǵymdanǵan. Taldyqorǵannyń polıtseıleri kúdiktini birden tanyp, qolǵa túsirdi. Qas-qaǵym sátte zatyn urlatyp alǵan taldyqorǵandyq turǵynnyń ámııanynda 8 myń teńge bolǵan. Atalǵan fakti boıynsha QR QK 188-babyna sáıkes is qozǵaldy.
