Taldyqorǵanda qarýly qylmysker avtokólik urlaǵan
ASTANA. QazAqparat - Taldyqorǵanda polıtseıler ustaǵan kólik urlaýshy tapansha jáne pyshaqpen qarýlanǵan bolyp shyqty, dep habarlaıdy Almaty oblystyq ІІD-niń baspasóz qyzmeti.
Anyqtalǵandaı, «Toıota vındom» avtokóligi mereke kúnderi qaladaǵy meıramhanalardyń biriniń janynan joǵalǵan. Mashınanyń ıesi Taldyqorǵan polıtsııasyna tez arada habar bergen. Kólik ıesi 650 myń teńge zardap keldi dep shaǵymdanǵan.
«Oblys ortalyǵyndaǵy kóshelerge ornatylǵan vıdeokameralar arqyly urlanǵan mashınanyń baǵytyn anyqtadyq», - dep atap ótti Taldyqorǵan qalalyq ІІB JBO bastyǵy, polıtsııa podpolkovnıgi Rýstam Abıldanov.
Qazirgi tańda Taldyqorǵan qalasynda 269 beınebaqylaý jáne zań buzýshylyqty avtomatty túrde anyqtaıtyn kameralary bar, olardyń kóbisi 2016 jyldyń sońyna qaraı paıdalanýǵa berildi.
«Tutqyndalǵan 24 jastaǵy jigit 10 patrony bar «Valto» jaraqat salatyn tapanshasy jáne báki tabyldy. Tabylǵan qarýlar zattaı dáleldeme retinde istiń materıaldaryna tirkeldi», - dep málim etti ІІD baspasóz qyzmeti.
