Taldyqorǵanda káriz qudyǵynan 52 jastaǵy er kisiniń denesi tabyldy

TALDYQORǴAN. QazAqparat - Taldyqorǵanda káriz qudyǵynan er adamnyń múrdesi tabyldy. Kúdikti retinde turǵylyqty meken-jaıy joq úısiz er adam ustaldy, - dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, Taldyqorǵan qalasynda turǵylyqty mekenjaıy joq 40 jastaǵy kúdikti qańǵybas adam óltirip, máıitin káriz qudyǵyna jasyryp qoıǵan.

«11 aqpan kúni Taldyqorǵan qalasynda káriz qudyǵyn tekserip júrgen kommýnaldyq qyzmettiń mamandary kisi qolynan ólgen adamnyń denesin taýyp alǵan. Saraptama óltirilgen adamnyń denesinen 20 ret suǵylǵan pyshaqtyń izin anyqtaǵan. Qaıtys bolǵan adam Sarqan aýdanynyń 52 jastaǵy turǵyny ekeni anyqtaldy. Ol sońǵy jarty jylda qańǵybastyqqa salynyp, ómir súrgen»,- delingen vedomstvonyń taratqan habarlamasynda.

Tergeý kezinde anyqtalǵandaı, eki qańǵybastyń arasyndaǵy janjal káriz qudyǵyna talastan bastalǵan.

Ekeýi sol jerde ómir súrgen. Qazir kúdiktiden pyshaq aıǵaq zat retinde tárkilendi.

Adam óltirdi degen úısiz adam qamaýǵa alyndy.

Tergeý QR QK 99 baby boıynsha júrip jatyr.