Taldyqorǵanda Qaratal ózenin kóligimen kesip ótpek bolǵan er adam qutqaryldy

NUR-SULTAN. QazAqparat - Taldyqorǵanda er adam Qaratal ózenin kóligimen kesip ótpek bolyp, sýǵa kete jazdady, dep habarlaıdy Almaty oblysy TJD baspasóz qyzmeti.

«9 sáýir kúni túngi saǵat 00:42-de Almaty oblysy TJD-ge Taldyqorǵan qalasynda 1989 jyly týǵan er adam Mitsubishi Pajero markaly avtokóligimen Qaratal ózenin keship ótpek bolǵan er kisi kóligimen ózenniń qaq ortasynda turyp qalǵany týraly habarlama kelip tústi» delingen habarlamada.

Almaty oblysy TJD Jedel-qutqarý jasaǵynyń qutqarýshylary shaqyrtý ornyna kelgen boıda kóliktiń Qaratal ózeniniń ortasynda,1,5 - 2 metr tereńdikte turyp qalǵanyn, júrgizýshisi kóliktiń tóbesine shyǵyp alǵanyn anyqtaǵan.

Qutqarýshylar qutqarý arqanynyń jáne qutqarý keýdesheniń kómegimen er adamdy jaǵaǵa aman-esen jetkizdi. Medıtsınalyq kómek qajet bolmady.