Taldyqorǵanda qarasora shekkender qoǵamdyq jumystarǵa tartyldy
TALDYQORǴAN. QazAqparat - Taldyqorǵan qalasynda qarasora shekken 3 azamat ustaldy. Olardy sot 60 saǵattyq qoǵamdyq jumystarǵa júktep jazalady, dep habarlaıdy QazAqparat tilshisi.
Oblys ortalyǵynda patrýldik kezekshilikte júrgen polıtseıler anasha shekkishterdi Gagarın kóshesindegi garajdar mańynda qolǵa túsirgen. Olar esirtki qoldaný kezinde qoldan jasalǵan «býlbýlıator» quralyn paıdalanǵan. Anyqtalǵan fakti boıynsha tártip saqshylary QR QK 296- babynyń 1-shi bólimine sáıkes qylmystyq is qozǵalyp, sotqa jiberildi. Sot sheshimimen 3 adam da kináli dep tanylyp, bul zańǵa qaıshy áreketteri úshin 60 saǵatqa qoǵamdyq jumysqa tartyldy.
Almaty oblystyq ІІD baspasóz qyzmetiniń málimetinshe, sondaı-aq olardan saraptama jasaýǵa ketken shyǵyndardy retinde 100 000 teńgeden astam qarjy óndiriletin boldy.
