Taldyqorǵanda qarasora alqabyn ósirgen adam ustaldy
TALDYQORǴAN. QazAqparat - Almaty oblystyq ІІD esirtki bıznesine qarsy kúres basqarmasynyń qyzmetkerleri men Qaratal aýdanynyń ýchaskelik polıtseıleri birlesip qarasora ósirgen 1985 jylǵy Taldyqorǵan qalasynyń turǵynyn tutqyndady, dep habarlaıdy QazAqparat tilshisi.
Tekserý barysynda 32 jastaǵy turǵyn Úshtóbe qalasynyń mańynda ózine tıesili jer teliminde qarasora ósirgeni anyqtaldy.
«Tártip saqshylary alqaptan 42 túp qarasoranyń tárkiledi. Esirtki ósimdiginiń jalpy salmaǵy 30,5 kg boldy. Qazirgi tańda esirtki qylmystyq iske aıǵaq zat retinde tirkeldi. Keıin qarasora joıýǵa jiberiledi», dep atap ótti oblystyq ІІD baspasóz qyzmeti.
Kúdiktige qarsy QR Qylmystyq Kodeksiniń 300-baby «Quramynda esirtki zaty bar ósimdikterdi ósirý» boıynsha qylmystyq tergeý bastaldy.
