Taldyqorǵanda karantın rejımi kúsheıtildi
NUR-SULTAN. QazAqparat -Taldyqorǵan qalasynyń bas sanıtarııalyq dárigeri Ermek Ásimqulov Taldyqorǵan qalasy aýmaǵynda karantın rejımin kúsheıtý jáne keıbir shekteý sharalaryn engizý týraly Qaýly shyǵardy, dep habarlaıdy QazAqparat tilshisi.
«Taldyqorǵan qalasynyń aýmaǵynda koronavırýs ınfektsııasynyń taralýyna jol bermeý jónindegi jedel shtabtyń sheshimi boıynsha karantın rejımi jáne keıbir shekteý sharalary engizilsin. Covid-19-dyń taralýyna jáne epıdemıologııalyq jaǵdaıǵa baılanysty karantın rejımi men merzimderi ózgertilýi múmkin», - delingen Qaýlyda.
Qaýlyda jazylǵandaı qashyqtyqtaǵy formatta tehnıkalyq jáne kásiptik, orta jáne joǵary bilim beretin mektepter men uıymdarda onlaın rejımde oqytý merzimi uzartylady.
«65 jastan asqan azamattar úshin kóshege shyǵýǵa qatań tyıym salynady. Saýda jáne oıyn-saýyq ortalyqtary, saýda nysandary adam syıymdylyǵy 30%-dan aspaýy kerek, jumys ýaqyty kúndizgi saǵat 10:00-den túngi 22:00-ge deıin, jeksenbi kúni jumys isteýge tyıym salynady», - delingen qujatta.
Qaýlynyń tolyq nusqasyn myna jerden oqýǵa bolady.
