Taldyqorǵanda qańtar oqıǵasy kezinde búlingen ákimdik ǵımaraty 4,7 mlrd teńgege jóndelýde

TALDYQORǴAN. QazAqparat - Taldyqorǵanda qańtar oqıǵasy kezinde búlingen oblystyq ákimdik ǵımaratyn qalypqa keltirýge 4 mlrd 758 mln teńge bólingen, dep habarlaıdy QazAqparat tilshisi.

Oblystyq qurylys basqarmasynyń QazAqparat tilshisine bergen málimetinshe, jóndeý jumystary tolyqtaı 30 qyrkúıekte aıaqtalýy tıis. Al bul mekemeniń jalpy aýmaǵy - 9 793,9 sharshy metr, 6 qabattan turady.

Taldyqorǵanda qańtar oqıǵasy kezinde búlingen ekinshi mekeme - qalalyq polıtsııa basqarmasynyń ǵımaraty. Munda da jóndeý jumystary mekemeniń ishi-syrtynda júrgizilip jatyr. Іshki jumystar aıaqtalýǵa jaqyn qalǵan. Ǵımarattyń qabyrǵalary sylanyp, jańadan esikter qoıylǵan. Al jóndeý jumystaryna 795 mln teńge bólingen. Bul ǵımarat kelisim-shart boıynsha 30 tamyzda tolyqtaı jóndelip, bitýi kerek.

Sonymen qatar, shaharda búlikshiler qıratqan úshinshi ǵımarat - «Amanat» partııasynyń oblystyq fılıalynyń keńsesi. Bul keńseniń úshinshi qabaty órtenip, esik-terezeleri synyp, jıhazdary búlingen. Ony qalypqa keltirý úshin demeýshilerdiń esebinen 219 mln teńge bólinip, jóndeý jumystarynyń 85 paıyzy aıaqtaldy.