Taldyqorǵanda kadetter jol polıtsııasynyń jumysyna kómektesedi
TALDYQORǴAN. QazAqparat - Taldyqorǵan qalasynyń kadet oqýshylary balalardyń jol-kólik jaraqatynyń aldyn alý maqsatynda polıtsııa qyzmetkerlerine kómektesedi. Atalǵan shara «Abaılańyz, BALALAR!» atty onkúndik sheńberinde uıymdastyrylýda, dep habarlaıdy QazAqparat tilshisi.
«Bıyl oblys ortalyǵynyń eki bilim oshaǵynda jańadan ashylǵan eki kadet synyby óz jumysyn bastady. Kadetter, ıaǵnı, 5-synyp oqýshylary, óz qatarlastary arasyndaǵy jol-kólik jaraqatynyń aldyn alýdy uıymdastyrý isine óz úlesterin qosýda. Kólik júrgizýshileriniń nazaryn aýdarý úshin uıymdastyrylǵan «Aıqyn bol!» aktsııasyna belsene qatysqan kadetter mektep oqýshylaryna jaryq shaǵylystyratyn belgiler men smaıldar japsyrdy. Eń aldymen, ekinshi aýysymda oqıtyn jáne úıine keshirek qaıtatyn oqýshylardy qamtýǵa tyrystyq»,- deıdi ІІD Jergilikti polıtsııa qyzmetiniń aǵa ınspektory polıtsııa maıory Aıjan Álibaıqyzy.
Aıta keterligi, elimizde balalar arasyndaǵy jol-kólik jaraqaty óte ózekti máseleniń biri sanalady. Polıtsııa məlimetine səıkes, óńirde jyl basynan beri jol-kólik oqıǵasynan kámelet jasyna tolmaǵan 100-den astam bala zardap shegip, on eki bala mert bolǵan. Óz kezeginde, polıtsııa azamattardy jolda muqııat bolýǵa, balalardyń jaraqaty máselesine beıjaı qaramaýǵa shaqyrady.
