Taldyqorǵanda iz-túzsiz joǵalǵan qyz bala tabylmaı jatyr
TALDYQORǴAN.QazAqparat - Taldyqorǵanda eki jastaǵy qyz balany izdestirý jumystary jalǵasyp jatyr. Mamyrdyń 13-i kúni joǵalǵan baladan áli habar joq, habarlaıdy QazAqparat tilshisi
Almaty oblystyq TJD resmı ókili Azamat Jurtbaevtyń sózinshe, búgin joǵalǵan qyzdy izdeýge 60-tan astam adam jumyldyrylǵan. Ókinishke qaraı áli nátıje joq. Biraq qyz balanyń aıaq kıiminiń syńary ózen jaǵalaýynan tabyldy. Erteń súńgýirler Balyqty jáne Qaratal ózenderin taǵy bir márte sholyp shyǵady. 2014 jylǵy balany izdestirýge Taldyqorǵan qalalyq ІІB, Almaty oblystyq TJD jáne erikti azamattar atsalysýda. 
Aıta keteıik, joǵalǵan qyz balanyń úıi ózen mańynda ornalasqan eken. 13 mamyr kúni, saǵat 11-ler shamasynda Nastıa úıiniń janynda oınap júrip, joǵalyp ketken. Oń jaq moıyn tusynda qaly bar, boıy shamamen 90 sm bolatyn qyz balany kórgender bolsa, 102 nómirine habarlasýǵa bolady.
