Taldyqorǵanda ishimdik ishken kólik júrgizýshi adam qaǵyp, mert qyldy

TALDYQORǴAN. QazAqparat – Taldyqorǵanda ishimdik ishken kólik júrgizýshi adam qaǵyp, mert qyldy, dep habarlaıdy QazAqparat tilshisi.

«Atalǵan fakti 8 tamyzda Taldyqorǵan mańynda «Almaty-Óskemen» tas jolynyń 272-shaqyrymynda «MAN» avtokóliginiń qatysýymen tirkeldi. 61 jastaǵy oblys ortalyǵynyń turǵyny júk kóliginiń dóńgelekteriniń astyna túsip, aýrýhanaǵa jetpeı kóz jumdy», - delingen Jetisý oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, jaıaý júrginshi jol jıegindegi júk kóliginiń artynda turǵan. Júrgizýshi ony baıqamaı, kólikti artqa júrgizgen kezde qaǵyp ketkeni belgili boldy.

Oqıǵanyń mán-jaıyn Taldyqorǵan polıtsııasy anyqtap jatyr. Bıyl oblystyń avtojoldarynda jaıaý júrginshilerdiń qatysýymen 52 jol-kólik apaty tirkeldi. Onda 17 adam qaza bolyp, 69 adam túrli jaraqat alǵan.