Taldyqorǵanda halyq kóp júretin jerler dezınfektsııalanyp jatyr
Halyq kóp júretin jerler, oıyn alańdary, saıabaqtar men skverler, sondaı-aq aıaldamalar arnaıy qospamen óńdelip, dezınfektsııalanyp jatyr. Oblys ortalyǵynyń tazalyǵyna jaýapty kásiporyn arnaıy tehnıkamen qamtamasyz etilgen.
Mamandardyń aıtýynsha, zalalsyzdandyrǵysh qospalar da jetkilikti kólemde. Ámbebap kólikter bir mezette kóshelerdi jýyp-shaıyp, jol jıegin, oryndyqtardy óńdeýge múmkindik beredi. Dezınfektsııa jumystary elimizdegi jarııalanǵan tótenshe jaǵdaı alynǵansha jalǵasady.
«Dezınfektsııa jumystaryna gıppohlorıd natrıı qospasyn qosyp otyrmyz. Sýǵa qosyp jasap jatyrmyz. Bul jumystar adam kóp júretin jerlerde - eki ret, adam az júretin jerde - bir ret kúndelikti jasalady», - dedi «Taldyqorǵan-Kórkeıtý» JShS dırektory Vladımır Qaýysbekov.