Taldyqorǵanda ǵımaratqa mına qoıyldy dep jalǵan habar bergen er adam ustaldy

NUR-SULTAN. QazAqparat – Taldyqorǵan qalasynda polıtsııa departamenti ǵımarattarynyń birine mına qoıyldy dep qońyraý shalyp, jalǵan habar taratqan er adam ustaldy, dep habarlaıdy QazAqparat Polisia.kz-ke silteme jasap.

«Búgin saǵat 18:30 shamasynda Taldyqorǵandaǵy oblystyq polıtsııa departamenti ákimshilik ǵımarattarynyń birine mına qoıylǵany týraly qońyraý kelip tústi. Habardan soń jeke quram ǵımarattan evakýatsııalandy. Oqıǵa ornyna saperler, kınologter men basqa da mamandar jiberildi. Olar ǵımaratty tolyq tekserdi», - delingen habarlamada.

Tekserý barysynda habar rastalmady. ıAǵnı ǵımarattan mına tabylǵan joq.

«Mına týraly qońyraý shalǵan azamat anyqtaldy. Ol 1978 jyly týǵan jergilikti turǵyn bolyp shyqty. Er adam mas kúıde bolǵan. Azamat ustalyp, qalalyq polıtsııaǵa jetkizildi», - deıdi vedomstvodan.

Sondaı-aq, resmı aqparatta atalǵan fakti boıynsha tergeýdiń bastalǵany aıtylǵan.