Taldyqorǵanda gaz-aýa qospasy jarylyp, bir adam zardap shekti

TALDYQORǴAN. QazAqparat - Taldyqorǵanda kompanııa aýmaǵynda jeke turǵan ǵımaratta gaz-aýa qospasy jarylyp, qabyrǵa qıraǵan. Kúzetshiniń qoly men betin kúıik shalǵan, dep habarlaıdy QazAqparat tilshisi.

«22 qazanda 05:50-de Jeltoqsan kóshesiniń boıynda JShS aýmaǵynda, jeke turǵan ǵımaratta (kúzetshi úıshigi) gaz-aýa qospasy jarylyp, qabyrǵa qıraǵan jáne 50 sharshy metr aýmaqty qamtıtyn tóbesi opyrylǵan, 20 sharshy metrlik zattar janǵan. Oqıǵa saldarynan 1982 jylǵy kúzetshiniń qoly men betin kúıik shalǵan (boljam boıynsha 10-12%). Jaǵdaıy birqalypty», - dedi Jetisý oblystyq TJD baspasóz qyzmetinen.

Gazdyń neden jarylǵany anyqtalyp jatyr, oqıǵa ornynda quzyrly organdar jumys júrgizýde.