Taldyqorǵanda erikti qutqarýshylar marapattaldy
TALDYQORǴAN. QazAqparat - Búgin Taldyqorǵanda «Jetisý» telearnasynyń eki qyzmetkerine oblystyq TJD ókilderi qurmet kórsetti. Rejısser Danııar Mustafaev pen beıneınjener Nurjan Alashbaev órt shyqqan páterden birneshe turǵyndy dalaǵa shyǵarǵan. Osylaısha olar kórshilerin ıis tıip ýlanýdan aman alyp qaldy.
Erjúrek azamattarǵa oblystyq TJD basshylary Alǵys hattar tabystap, qutqarýshylardyń bul qadamy ózgelerge úlgi ekenin atap ótti.
Esterińizge sala keteıik, tótenshe jaǵdaı Taldyqorǵan qalasynyń 7-shi yqsham aýdanynda 30-shy qazanda oryn aldy. 20 adam qaýipsiz jerge kóshirilip, qyzyl jalyn sanaýly mınýttarda aýyzdyqtaldy. Órt sóndirýshilerdiń málimdeýinshe tilsiz jaý elektr jelisiniń tuıyqtalýynan bolǵan.
