Taldyqorǵanda er adamdar «urlap» ketti delingen oqýshy tabyldy
«2 qańtarda Taldyqorǵan polıtsııasyna 15 jastaǵy oqýshynyń urlanǵany týraly habarlama tústi. Málimdemede qaladaǵy shaǵynaýdandardyń birinde kámeletke tolmaǵan adamdy birneshe eresek er adam kúsh qoldanyp, alyp ketkeni kórsetilgen. Buǵan onyń bólesi kýá bolǵan.
Polıtseıler jaqyn mańdaǵy turǵyn úı massıvterin, qalada salynyp jatqan barlyq qurylys obektilerin tekserip, kóshedegi beınebaqylaý kameralaryn qarady. Onymen bir mezgilde jedel ýákilder kámeletke tolmaǵan bala ata-anasynyń úıinen óz betimen ketip qalýy yqtımal degen nusqany da qarastyrdy. Balanyń «urlanǵany» týraly aıtqan kýáger qyzdan qaıta jaýap alý barysynda bul nusqa rastaldy», - delingen polıtsııa málimetinde.
Polıtseıler jedel-izdestirý is-sharasyn ótkizip, oqýshynyń ornalasqan jerin anyqtaǵan.
«Belgili bolǵandaı, kámeletke tolmaǵan bala týystaryna Sarqan qalasyna barǵan, ony polıtsııa qyzmetkerleri sol jaqtap izdep taýyp, Taldyqorǵan qalasyna jetkizdi.
Jasóspirim ata-anasynyń úıine qaıtaryldy», - dep naqtylady polıtsııadan.