Taldyqorǵanda Elbasynyń baǵdarlamalyq maqalasy aıasynda halyqaralyq konferentsııa bastaldy
Elbasynyń «Bolashaqqa baǵdar: qoǵamdyq sanany jańǵyrtý» baǵdarlamalyq maqalasy aıasynda úsh kúnge josparlanǵan aýqymdy shara Bıken Rımova atyndaǵy teatrda shymyldyǵyn túrdi. Bul jerde Almaty oblysy ákiminiń orynbasary Lázzat Turlashov jınalǵandardy tarıhı taǵylymy tereń sharanyń bastalýymen quttyqtap, jobanyń mańyzdylyǵyna toqtaldy.
«Búgingi aýqymdy shara Mádenıet jáne sport mınıstrliginiń qoldaýymen «Rýhanı jańǵyrý» ortalyq jobalyq keńsesi Almaty oblysynyń ishki saıasat basqarmasymen birlesip uıymdastyrylýda. Konferentsııa barysynda Jahandyq álemdegi mádenı, kórkem, ádebı, oryndaýshylyq ónerdiń úzdik úlgilerin tanymal etýdiń jáne ortalyq jáne jergilikti deńgeıde mádenı-demalys salasyn uıymdastyrýdyń negizgi tendentsııalary men úzdik álemdik tájirıbelerin talqylaıdy», -dedi Lázzat Turlashov.
Konferentsııada halyqaralyq spıkerler retinde Sorbonn ýnıversıtetiniń professory, Halyqaralyq ǵylym jáne óner ınstıtýtynyń dırektory, «Plastik Art & Science» Sorbonn baspa baǵdarlamasynyń dırektory - Olga Igorevna Kısseleva (Parıj q., Frantsııa); akter, Halyqaralyq «HIGHFEST» oryndaýshylyq óner festıvaliniń Prezıdenti; Metropolıtan London ýnıversıtetiniń professory, doktory; Erevan memlekettik teatr jáne kıno ınstıtýtynyń "Art-menedjment jáne mádenı saıasat" kafedrasynyń meńgerýshisi; Erevan qalasy, AR Mádenıet qaıratkeri - Gýkasıan Artýr (Armenııa); Qazaqstan men Qyrǵyzstandaǵy mádenıet jáne yntymaqtastyq máseleleri boıynsha Frantsııa Elshiliginiń keńesshisi, 2015-2018 jj. Gııom Kasperskıı (Frantsııa); Belorýs memlekettik mádenıet jáne óner ýnıversıtetiniń Psıhologııa jáne pedagogıka kafedrasynyń meńgerýshisi, pedagogıka ǵylymdarynyń doktory, Germanııadaǵy MAGO bilim berýdi izgilendirý halyqaralyq akademııasynyń tolyq múshesi Irına Aleksandrovna Malahova (Belarýs); dramatýrg, teatr synshysy, «Thaetr - Dialogue» festıvaliniń Art - dırektory, «Nova Scena» kretıanvoı klasteriniń negizin qalaýshy jáne dırektory Tomash Kırenchýk (Polsha) jáne basqalar. Sondaı-aq, qatysýshylar arasynda Qazaqstannyń qoǵamdyq jáne ǵylymı-zertteý uıymdarynyń, shyǵarmashylyq jáne ǵylymı ıntellıgentsııanyń ókilderi, QR Prezıdenti Ákimshiliginiń, mınıstrlikterdiń, «Rýhanı jańǵyrý» ortalyq jáne aımaqtyq jobalaý keńseleriniń jaýapty qyzmetkerleri jáne t. b. shaqyryldy.
Konferentsııanyń plenarlyq otyrysynyń moderatory-tanymal telejúrgizýshi, jýrnalıst Aıgúl Múkeı.
«Mádenı ıntegratsııa jáne Mádenıet dıalogy qoǵamnyń turaqty damý strategııasy retinde, Zamanaýı mádenıetti qalyptastyrýdaǵy jáne damytýdaǵy memlekettiń róli, Jobalyq basqarý mádenıetti ilgeriletý faktory retinde, Mádenı ýrbanıstıka - kreatıvti-mádenı klasterler festıvalderi arqyly qalalardyń jańa kelbeti,Ejelgi Bilim bolashaq álemdik mádenı keńistikke terrıtorııanyń yqpaldasýynyń vektory retinde. Osy taqyryptar talqylaýǵa usynylady», - dedi uıymdastyrýshylar.
Ár elden kelgen qonaqtarǵa qazaq halqynyń salt-dástúri nasıhattalýda. Shet eldikter altybaqan teýip,asyq oınap, ulttyq ómirimizben tanysyp jatyr.
