Taldyqorǵanda ekinshi qabattan qulaǵan bala komada jatyr- dáriger
TALDYQORǴAN. QazAqparat - Taldyqorǵanda ekinshi qabattan qulaǵan eki jasar sábı áli esin jıǵan joq. Birinshi dárejeli komada jatqan búldirshin arnaıy apparattyń kómegimen tynys alýda, dep habarlaıdy QazAqparat tilshisi.
«15 mamyr kúni saǵat 12:30 da eki jastaǵy bala jedel járdemmen jetkizildi. Balanyń jaǵdaıy óte nashar boldy, birden jansaqtaý bólimine jatqyzyldy. Qazirgi kúni balanyń jaǵdaıy birqalypty. Basyna qatty zaqym kelgen. Basqa músheleri saý. Bala komada, arnaıy apparattyń kómegimen tynys alýda. Búldirshin áli esin jıǵan joq. Birinshi dárejeli komada jatyr», - dedi oblystyq balalar aýrýhanasynyń bas dárigeri Marat Dosqalıev.
Aıta keteıik, eki jastaǵy Arýna Qýanyshqyzy mektep janyndaǵy shaǵyn ortalyqqa eki kún buryn ǵana qabyldanǵanyn buǵan deıin jazǵan bolatynbyz.
Esterińizge sala keteıik, 15 mamyr kúni shaǵyn ortalyqtyń ekinshi qabatynan eki jasar bala qulap ketti. Qazir ol jansaqtaý bóliminde jatyr. Al polıtseıler atalǵan fakti boıynsha sot aldy tergeý júrgizýde.
