Taldyqorǵanda eki jyl buryn paıdalanýǵa berilgen jańa úıdi jaýyn sýy alyp ketti

TALDYQORǴAN. QazAqparat - Taldyqorǵanda jaýyn sýy basqan kópqatty úıdiń máselesine qatysty Antıkor pikir bildirdi, dep habarlaıdy QazAqparat tilshisi.

Aıta keteıik, áleýmettik jelide Taldyqorǵanda kópqabatty úıdiń ishine kirip, jertólesine qaraı quıylǵan jańbyr sýynyń vıdeosy tarady.

«Taldyqorǵan qalasy ákimdiginiń jaýabyna sáıkes, Taldyqorǵan qalasy Birlik shaǵynaýdany №17 úı 2021 jyldyń tamyz aıynda paıdalanýǵa berilgen. Merdiger - «JetysýJılStroı» jaýapkershiligi shekteýli seriktestigi. Kompanııa óz qarajaty esebinen qurylys júrgizgen, memleket tarapynan qarjy bólinbegen. Atalǵan úıdiń 2 jyldyq kepildik merzimi bar. Aýla abattandyrý jumystaryn «JetysýJılStroı» jaýapkershiligi shekteýli seriktestigi óz qarajatymen júrgizgen. Turǵyn úıdiń kútimine «Bolashaq» jaýapkershiligi shekteýli seriktestigi jaýapty» delingen Sybaılas jemqorlyqqa qarsy is-qımyl agenttigi Jetisý oblysy boıynsha departamentiniń jaýabynda.

Vedomstvonyń aqparatyna sáıkes, qazirgi tańda «JetysýJılStroı» jaýapkershiligi shekteýli seriktestigi óz qarajaty esebinen jóndeý jumystaryn júrgizilip jatyr.