Taldyqorǵanda eki jańa mektep ashyldy
TALDYQORǴAN.QazAqparat - Búgin Taldyqorǵan qalasynda 1200 oryndyq qos mekteptiń saltanatty ashylýy ótti. Jańa mektepterdiń ashylýyna óńir basshysy Amandyq Batalov kelip, barsha qaýymdy bilim kúnimen quttyqtady, - dep habarlaıdy QazAqparat tilshisi.
Jetinshi shaǵyn aýdandaǵy №28 IT mektep-lıtseıi 9 bloktan turady. 3 qabattan turatyn jańa bilim shańyraǵynda 59 oqý kabıneti, 3 sheberhana, 2 sportzal, akt zaly, kitaphana, ashana, medıtsınalyq kabınetter bar. Bul mektepke qabyldanǵan bala sanynyń kóp bolǵany sonsha, birinshi synyptyń birden 9-klasy ashyldy. ıAǵnı "A" synybynan bastap "Z" synybyna deıin balalar alǵash ret mektep tabaldyryǵyn attady.
Aıta ketý kerek, bul mektep qalada jańadan ashylǵan jetinshi shaǵyn aýdanda boı kótergen. Al bul aýdanda turatyn halyqtyń basym bóligi - jas otbasylar.
Óńir basshysy qonaqtarmen birge hımııa, fızıka, aǵylshyn tili, sport jáne akt zaldary men ashanany aralap shyqty.
Osydan keıin Amandyq Ǵabbasuly qaladaǵy №27 orta mekteptiń lentasyn qıyp, alǵashqy qońyraýyna qatysyp, bilim alýshylar men olardyń ata-analaryn quttyqtady.
Bul mektep 5 oqý blogynan turady. Munda 61 oqý kabıneti, 3 sheberhana, sport jáne akt zaldary, kitaphana, ashana men medıtsınalyq qyzmetker kabıneti qarastyrylǵan.
Esterińizge salar bolsaq, búgin oblys boıynsha 45 000 bala birinshi synypqa qabyldanyp, alǵash ret mektep tabaldyryǵyn attady.
