Taldyqorǵanda eki provızorlyq ortalyq jabyldy
TALDYQORǴAN. QazAqparat - Almaty oblysynda epıdemologııalyq ahýaldyń jaqsarýyna baılanysty Taldyqorǵan qalasyndaǵy eki provızorlyq ortalyq jabyldy, dep habarlaıdy QazAqparat tilshisi.
Densaýlyq saqtaý basqarmasynyń basshysy Ómirzaq Nııazbekov provızorlyq statsıonarlardy kezeń-kezeńmen konservatsııalaý bastalǵanyn aıtty.
«Búginnen bastap Taldyqorǵan qalasyndaǵy áskerı gospıtalda ashylǵan provızorlyq ortalyq jabylyp, gospıtal qalypty jumysyn bastady. Sonymen qatar, oblystyq teri-venerologııalyq dıspanser de josparly túrde naýqastardy qabyldaýǵa daıyn»,- dedi basqarma basshysy.
Sonymen qatar, Densaýlyq saqtaý basqarmasynyń basshysy Ómirzaq Ábelseıitulynyń aıtýynsha, oblystaǵy statsıonarlar júktemesiniń tómendeýine baılanysty ınfektsııalyq tósek sany 520-dan 490 orynǵa, provızorlyq tósek sany 3560-tan 2541 orynǵa deıin qysqartylǵan.
Búgingi kúni Almaty oblysynda ashylǵan provızorlyq ortalyqtarda 1043 adam em qabyldap jatyr. Osy ýaqytqa deıin 4048 adam jazylyp shyqty.
