Taldyqorǵanda eki podez ben bir jer úı karantınge jabyldy
TALDYQORǴAN. QazAqparat - Taldyqorǵan qalasynda koronavırýs shyqqan oshaqtar anyqtalyp, karantınge jabyldy, dep habarlaıdy QazAqparat tilshisi.
Búgin Taldyqorǵan qalasynyń memlekettik bas sanıtarlyq dárigeriniń qaýlysyna sáıkes, koronavırýs anyqtalǵan úıler karantınge alyndy. Іndet oshaǵy retinde Dostyq shaǵyn aýdanyndaǵy N25-úıdiń bir podezi, Qablısa jyraý N211 E úıdiń 4-shi podezi jáne Slanov kóshesindegi N76 úı karantınge jabyldy. Endi bul turǵyn úılerden eshkimge dalaǵa shyǵýǵa ruqsat berilmeıdi.
Atalǵan mekenjaılar 16 mamyrdan 29 mamyrǵa deıin karantınde bolady, olardyń turǵyndaryna túsindirý jumystary júrgizildi.
Eske salsaq, Almaty oblysynda koronavırýspen aýyrǵan 201 adam tirkelgen. Onyń 7-eýi – Taldyqorǵan qalasynda anyqtalǵan.
