Taldyqorǵanda eki kún buryn joǵalǵan oqýshylar tabylmaı jatyr
TALDYQORǴAN. QazAqparat - Taldyqorǵanda bir mekteptiń 2003 jyly týǵan eki oqýshysy joǵalyp ketti. Kámelet jasyna tolmaǵandar 9 qazan kúni mektepke ketip, úılerine qaıtyp oralmaǵan, dep habarlaıdy QazAqparat tilshisi.
Ázirge áleýmettik jelide joǵalǵan oqýshynyń bireýi - Aleksandr Martynovtyń ǵana sýreti jarııalandy. Eriktiler joǵalǵan balany izdeýge kómek surap jatyr. Almaty oblystyq ІІD baspasóz qyzmeti oqýshylardy izdestirý jumystary aýqymdy túrde júrip jatqanyn jetkizdi.
«Eki oqýshynyń ata-anasynan balalardyń joǵalǵany týraly aryz búgin ǵana tústi. Qazir Taldyqorǵan qalalyq ІІB tártip saqshylary, ıývenaldy polıtseıler, patrýl qyzmeti, izdestirý bóliminiń jedel ókilderi aýqymdy túrde izdeýdi bastap ketti. Balalardy Taldyqorǵanmen qatar, qalaǵa jaqyn aýdandardan jáne Almaty qalasynan da izdep jatyrmyz. Barlyq kompıýterlik klýbtar, qaraýsyz jatqan búkil nysandar tekserilýde», - dedi Kóbeıhan Nurahmetov.
Aıta ketý kerek, 9 qazannan bastap iz-túzsiz ketken balalar buǵan deıin de birneshe márte úılerinen ketip qalǵan eken.
